İstifadə qaydaları
Son yenilənmə: 20.08.2026
1. Ümumi müddəalar
ZTopup saytından istifadə etməklə siz aşağıdakı qaydaları qəbul etmiş sayılırsınız. Qaydalarla razı deyilsinizsə, saytdan istifadə etməyin.
2. Hesab
Sifariş vermək üçün qeydiyyatdan keçmək məcburidir. Qeydiyyat zamanı verdiyiniz ad, e-poçt və telefon nömrəsinin doğru olmasına görə siz məsuliyyət daşıyırsınız. Bir şəxs yalnız bir hesab yarada bilər. Şifrənizin təhlükəsizliyi sizin öhdənizdədir.
3. Sifariş və Player ID
Yükləmə məhsullarında Player ID məlumatını siz daxil edirsiniz. Yanlış Player ID daxil edildikdə məhsul başqa hesaba yüklənir və bu halda geri qaytarma və ya təkrar yükləmə edilmir. Sifarişi təsdiqləməzdən əvvəl ID-ni mütləq yoxlayın.
Hər məhsulun keçərli olduğu server məhsul səhifəsində göstərilir. Başqa server üçün verilmiş sifariş yerinə yetirilmir.
4. Ödəniş
Hazırda ödəniş manual qaydada həyata keçirilir: sifariş yaradıldıqdan sonra məbləği göstərilən kart hesabına köçürür və ödəniş qəbzinin şəklini Sifarişlərim bölməsindən yükləyirsiniz. Qəbz yükləndikdən sonra sifariş admin təsdiqinə göndərilir.
Saxta və ya başqa sifarişə aid qəbz yükləmək hesabın bloklanması ilə nəticələnir.
5. Təsdiq və çatdırılma
Admin ödənişi yoxlayır və təsdiqləyir. Təsdiqdən sonra məhsul iş saatları ərzində oyun hesabınıza yüklənir. Çatdırılma müddəti məhsul səhifəsində göstərilir (adətən 15 dəqiqə – 24 saat).
Ödəniş təsdiqlənmədikdə səbəb sifariş səhifəsində göstərilir və siz yeni qəbz yükləyə bilərsiniz.
6. Geri qaytarma
Rəqəmsal məhsul oyun hesabına yükləndikdən sonra geri qaytarılmır. Sifariş texniki səbəbdən yerinə yetirilmədikdə ödəniş tam məbləğdə geri qaytarılır.
Yanlış Player ID səbəbindən yaranan itkilər geri qaytarma predmeti deyil.
7. Qadağalar
Oğurlanmış kart və ya başqasına məxsus ödəniş vasitəsindən istifadə, saytın avtomatlaşdırılmış vasitələrlə skan edilməsi, digər istifadəçilərin hesablarına müdaxilə cəhdi qadağandır.
8. Dəyişikliklər
ZTopup bu qaydaları əvvəlcədən xəbərdarlıq etmədən dəyişdirmək hüququnu özündə saxlayır. Dəyişikliklər saytda dərc olunduğu andan qüvvəyə minir.